Сонце преку ден, батерии навечер: Во Бугарија функционира новата реалност

јуни 16, 2026

Бугарскиот електроенергетски систем веќе работи според новата логика на енергетската транзиција. Часовните податоци на Electricity System Operator покажуваат како во текот на денот фотонапонските електрани стануваат доминантен извор, додека батериите ја преземаат улогата на складирање и вечерна системска флексибилност.

На 16 јуни 2026 година, во 10:14 часот, фотонапонските електрани во Бугарија произведуваат 2.985 MW, или 48,83% од моменталниот производствен микс. Во истиот час, батериските системи се полнат со 548 MW.

Ова е првата половина од новиот електроенергетски модел: кога сонцето произведува големи количини евтина електрична енергија, дел од таа енергија не се губи и не создава само притисок врз цените, туку се складира во батерии.

Преку ден доминира сонцето

Дневниот биланс покажува колку брзо се менува улогата на класичните извори. Во прикажаниот час, нуклеарната централа испорачува 1.702 MW, но фотонапонските електрани се убедливо најголем извор со речиси 3 GW производство.

Хидроелектраните во истиот момент учествуваат со 262 MW, малите хидроелектрани со 254 MW, ветерните електрани со 106 MW, а когенеративните постројки со 544 MW.

Но, најважниот податок е дека батериите не се празнат, туку се полнат. Тоа значи дека системот веќе има механизам за преместување на енергијата од дневните часови кон вечерниот пик.

Навечер батериите ја преземаат улогата на флексибилен извор

Втората слика ја покажува другата страна на истиот процес. Во вечерен час, кога производството од фотонапонски електрани е 0 MW, батериите испорачуваат 1.534 MW во мрежата.

Во истиот момент, нуклеарната централа учествува со 1.420 MW, а големите хидроелектрани со 1.380 MW. Тоа значи дека батериите во конкретниот час се еден од најголемите поединечни извори во системот.

Ова е суштинската промена: батериите повеќе не се само технички додаток на обновливите извори. Тие стануваат оперативен ресурс за системот, со улога слична на хидроелектраните, гасните централи или пумпните електрани.

Очекувано, имајќи во предвид дека Бугарија е една од водечките земји во Светот по инсталиран капацитет на батериски системи за складирање.

Новата пазарна логика: складирање наместо отфрлање на евтина енергија

Бугарскиот пример јасно покажува како изгледа следната фаза од енергетската транзиција. Првата фаза беше изградба на голем соларен капацитет. Втората фаза е интеграција на батерии. Третата фаза ќе биде пазарна флексибилност, во која батериите, хидроелектраните, трговците и потрошувачите ќе работат заедно за да го балансираат системот час по час.

Овој модел ја менува и економијата на електроенергетскиот пазар. Дневната евтина енергија добива вредност затоа што може да се складира. Вечерните часови добиваат нов извор на снабдување. Системот станува пофлексибилен, а обновливите извори полесно се интегрираат.

На 16 јуни 2026 година, во 10:14 часот, фотонапонските електрани во Бугарија произведуваат 2.985 MW, или 48,83% од моменталниот производствен микс. Во истиот час, батериските системи се полнат со 548 MW.

Ова е првата половина од новиот електроенергетски модел: кога сонцето произведува големи количини евтина електрична енергија, дел од таа енергија не се губи и не создава само притисок врз цените, туку се складира во батерии.

Складирањето е новата реалност

Бугарија веќе покажува како ќе работи електроенергетскиот систем со високо учество на обновливи извори: преку ден доминира сонцето, батериите се полнат, а навечер батериите ја враќаат складираната енергија во мрежата.

Ова е новата реалност на енергетската транзиција. Не е доволно само да се произведе електрична енергија кога има сонце. Клучно станува прашањето дали системот може да ја зачува таа енергија и да ја користи кога му е најпотребна.

Во таа логика, батериите не се спореден елемент. Тие стануваат еден од главните столбови на новиот електроенергетски систем.

м-р Виктор Андонов

Напишете коментар

Вашата адреса за е-пошта нема да биде објавена. Задолжителните полиња се означени со *