Индиската државна енергетска компанија NTPC бара технолошки партнери за пилот-проект со батериски систем за складирање електрична енергија базиран на натриум-јонска технологија.
Официјалниот тендерски портал на NTPC го потврдува повикот NTPC/PE/ET&PR/EOI-06/2026-27 за развој и инсталација на grid-connected BESS using Sodium-Ion Battery Technology. Рокот за доставување понуди е 15 октомври 2026 година.
Алтернатива на литиум-јонските батерии
Пилот-системите треба да бидат поставени во постојни термоелектрани и деловни објекти на NTPC, а целта е технологијата да се тестира во реални услови на индискиот електроенергетски систем.
Натриум-јонските батерии се една од технологиите што се развиваат како алтернатива на доминантните литиум-јонски системи.
Нивната потенцијална предност е употребата на значително пораспространет натриум наместо литиум, што во иднина може да придонесе за диверзификација на синџирите за снабдување со материјали за складирање енергија.
Индија бара нови технологии за складирање
Иако станува збор за пилот, неговото значење е поголемо од самиот капацитет. NTPC е најголемата електроенергетска компанија во Индија, а тестирањето на sodium-ion технологијата покажува дека земјата паралелно со огромното проширување на обновливите извори бара и алтернативни технологии за флексибилност на системот.
Тестирањето треба да даде податоци за перформансите, безбедноста, доверливоста и економската оправданост на технологијата во индиски климатски и мрежни услови.
ECI

