Energy & Climate Index станува медиумски партнер на Energy and Investment Days 2026

септември 25, 2026

Energy & Climate Index станува медиумски партнер на Energy and Investment Days 2026, регионален настан посветен на енергетиката, инвестициите и технологиите, кој ќе се одржи на 14 и 15 октомври 2026 година во Нови Сад, Србија.

Медиумското партнерство е дел од определбата на Energy & Climate Index да ги следи и поврзува клучните теми, проекти и луѓе кои ја обликуваат енергетската транзиција во Македонија, Западен Балкан и Југоисточна Европа. Во пресрет на настанот, Energy & Climate Index ќе објавува информации за програмата, учесниците и дел од темите што ќе бидат во фокусот на овогодишното издание.

Од дискусија кон конкретна соработка

Energy and Investment Days 2026 годинава се проширува надвор од традиционалниот конференциски формат. Покрај експертските панели, програмата ќе вклучува International Energy Expo, Startup Corner и организирани B2B средби, со поголем простор за директни контакти, партнерства и развој на конкретни инвестициски иницијативи.

Во фокусот на дискусиите ќе бидат некои од најзначајните прашања што денес го менуваат енергетскиот сектор во регионот: енергетската безбедност, обновливите извори на енергија и складирањето, модернизацијата на електроенергетските мрежи, финансирањето на енергетската транзиција и регионалната инфраструктура.

Expo, B2B средби и простор за стартапи

International Energy Expo ќе им овозможи на компаниите директно да ги претстават своите технологии, производи и решенија пред учесниците на конференцијата.

Организираните B2B средби се замислени како простор во кој компаниите, инвеститорите и институциите ќе можат да идентификуваат релевантни партнери и да разговараат за конкретни можности за соработка.

Новина е и Startup Corner, наменет за млади компании од енергетскиот и технолошкиот сектор кои ќе можат да ги претстават своите решенија и идеи и директно да се сретнат со потенцијални инвеститори, партнери и клиенти.

Регионална платформа за енергетски инвестиции

Новиот концепт на Energy and Investment Days ја следи сè поизразената регионална димензија на енергетските инвестиции. Развојот на мрежната инфраструктура, енергетската безбедност, обновливите извори, дигиталната инфраструктура и новите големи потрошувачи на електрична енергија одамна не се прашања ограничени на еден национален пазар.

Затоа, Energy and Investment Days 2026 има амбиција да ги поврзе учесниците од Србија, Западен Балкан и поширокиот регион на Југоисточна Европа, комбинирајќи ги стратешките дискусии со практични можности за соработка и развој на проекти.

ECI

Напишете коментар

Вашата адреса за е-пошта нема да биде објавена. Задолжителните полиња се означени со *