METLEN потпиша договор за продажба на хибриден проект од 165 MW во Чиле

септември 14, 2026

Проектот Tamarico II во регионот Атакама вклучува батериски систем од 725 MWh, со можност за проширување до 925 MWh

METLEN потпиша договор со чилеанската компанија Copec S.A., преку нејзината подружница Copec Flux, за продажба на хибридниот проект за обновлива енергија Tamarico II во регионот Атакама во Чиле.

Проектот комбинира фотонапонска електрана со инсталирана моќност од 165 MW и батериски систем за складирање електрична енергија со капацитет од 725 MWh. Предвидена е и можност капацитетот за складирање да биде зголемен до 925 MWh.

Со комбинирањето на производството од фотонапонската електрана и батерискиот систем, Tamarico II треба да придонесе за поголема флексибилност на електроенергетскиот систем и полесно интегрирање на обновливите извори на енергија во Чиле.

Продажба преку моделот Asset Rotation

METLEN го развива проектот преку M RESET, дел од енергетскиот сектор на компанијата специјализиран за проекти од обновливи извори и складирање енергија.

Продажбата на Tamarico II е дел од моделот Asset Rotation на METLEN, преку кој компанијата развива, гради и управува со сопствени проекти, а потоа ја монетизира нивната вредност преку продажба на други инвеститори.

Главниот извршен директор на M RESET, Никос Папапетру, оцени дека проектот ја покажува способноста на METLEN своето меѓународно искуство да го претвори во зрела и конкурентна енергетска инфраструктура за чилеанскиот пазар.

Според него, соработката со Copec Flux покажува и како производството на електрична енергија од обновливи извори може да се комбинира со батериско складирање за поддршка на енергетската транзиција и зголемување на отпорноста на електроенергетскиот систем.

Copec го проширува сопственото производство и складирање

Извршниот директор на Copec, Артуро Натхо, изјави дека договорот е уште еден чекор во стратегијата на компанијата за зајакнување на сопственото портфолио за производство на обновлива енергија и складирање.

Целта е компанијата да ја прошири понудата на енергетски решенија за своите клиенти, но и да придонесе за поголемо интегрирање на чистата енергија во националниот електроенергетски систем на Чиле.

Партнерството меѓу METLEN и групацијата Copec започнало пред три години. Новиот договор треба да создаде основа за натамошна соработка и за нови инвестиции во проекти од обновливи извори и системи за складирање енергија во Чиле.

ECI

Напишете коментар

Вашата адреса за е-пошта нема да биде објавена. Задолжителните полиња се означени со *